Рускиот министер за надворешни работи Сергеј Лавров изјави дека Москва е заинтересирана Иран да продолжи да соработува со Меѓународната агенција за атомска енергија (МААЕ), и покрај гласањето на иранскиот парламент за прекин на таа соработка.
Гласањето доаѓа по воздушните напади на САД и Израел врз ирански нуклеарни постројки, наводно за да се спречи Техеран да се здобие со нуклеарно оружје – обвинување кое Иран постојано го негира.
Лавров истакна дека одлуката на парламентот има советодавен карактер, бидејќи не поседува извршна власт, и дека одлуката за соработка останува во рацете на врховниот лидер на Иран.
-Заинтересирани сме сите да го почитуваат Врховниот лидер на Иран, кој постојано повторува дека Иран нема и нема да има планови за создавање нуклеарно оружје. За ова прашање постои посебна фатва, религиозен документ кој има највисок авторитет во Исламската Република, додаде Лавров.
Преземено од: Линк
