Македонскиот претставник во Конференциската лига на УЕФА Вардар го заврши настапот сезонава во еврокуповите. „Црвено-црните“ се елиминирани од швајцарската екипа Лозана која во реваншот од второто квалификациско коло забележа победа од 5:0 и со тоа ги анулираше 2:1 за Вардар од првиот дуел во Скопје.
Дека се решени да ја анулираат предноста на Вардар, домашните покажаа на самиот почеток на дуелот кога со голот на Ное Дисене во 16.минута поведоа со 1:0. До крајот на првиот дел Лозана постигна уште два гола, а стрелец беше Кали Сене во 33.минута и во 45+2 минута. На 4:0 зголеми Албан Ајдини во 55.минута, а конечните 5:0 ги постави Сејду Траоре во 84.минута.
Вардар на овој натпревар имаше поддршка и од трибините како од навивачката група „Комити“, така и од Македонците кои живеат и работат во Швајцарија.
МИА
Преземено од: Линк
