Топлотниот бран ги „разбуди“ огнените стихии. Пожарот кај ловиштето Јасен е најкритичен. Со денови не може да се стави под контрола.
Теренот е непристапен, што дополнително ја отежнува работата на службите. Уште од рано утрово хеликоптери го напаѓаат овој пожар од воздух, а од копно гаснат полициски службеници, припадници на Армијата и тимови на Национални шуми.
Пожар попладнево избувна кај скопско Сарај, поточно кај Свиларе, чиј крак се шири кон Јегуновце. Овој пожар се гасне само од земја, бидејќи сите воздухоплови интервенираат над Јасен. Изгорена е една штала. Но, службите уверуваат дека не постои опасност за проширување на пожарот во околните села.
Денешната статистика се заокружува со 20 пожари на отворен простор. Освен кај Јасен, гори и кај село Големо Коњари, Долнени, Врапчиште и Крива Паланка.
Зголемен обем на работа освен пожарникарите имаат и службите на итната медицинска помош. Само денеска екипите имале 40 интервенции. Најголемиот дел од нив биле хронично болни, на кои им се слушило. На други, пак од жешкото им се покачил притисокот.
Со полна пареа работат и матичните доктори.
Здравствените работници со препорака до граѓаните да ги почитуваат мерките за заштита.
Високи температури се очекуваат и во следните денови. Во Македонија поради пожарите има прогласена кризна состојба, а на сила е и забраната за движење во шуми.
Преземено од: Линк
