Со транспаренти, свирежи и јасна порака за чист воздух граѓани предводени од иницијативата “Стоп за Усје” маршираа по скопските улици. Протестот почна пред Владата , застанаа пред Собранието и завршија пред министерството за животна средина.
Од Иницијативата “Стоп за Усје” ги повикаа институциите да ги исполнат нивните 9 барања.
Од “Стоп за Усје” пред министерството за животна средина ги повикаа институциите да обрнат внимание во март кога компанијата треба да почне постапка за обнова на А интегрираната дозвола.
Од ТИТАН Усје повеќе пати посочија дека работеле согласно законските пропиши во државата и дека повеќе од еден месец биле цел како што велат, на неосновани напади.
-Бројките недвосмислено покажуваат дека и кога ТИТАН Усје не работи, амбиенталниот воздух е со истиот квалитет, што е јасна потврда за тоа дека компанијата не е причина за состојбите со квалитетот на воздухот во Скопје. Загадувањето во Скопје беше високо и во изминатиот период кога ТИТАН Усје воопшто не работеше“, стои во реакцијата на фабриката.
Премиерот денеска изјави дека демократско право е да се протестира, а тие како Влада работеле граѓаните да имаат почиста и поздава животна средина.
Од граѓанската иницијатива “Стоп за Усје” најавија нови протести доколку не бидат исполнети нивните барања.
Преземено од: Линк
