Фудбалерите на Арсенал убедливо го добија дербито на северен Лондон против Тотенхем 4:1.
Како гости, „Топџиите“ го надиграа својот голем ривал во натпреварот од 27-то коло од Премиер лигата. На клупата на Тотенхем дебитираше новиот тренер Игор Тудор.
Еберечи Езе и Виктор Ѓокереш постигнаа по два гола и со тоа го режираа убедливиот триумф на тимот на Микел Артета.
Арсенал славеше по два последователни нерешени резултати, тие се први на табелата со 61 бод, пет повеќе од Манчестер Сити, кој одигра еден натпревар помалку.
Тотенхем продолжува со ужасни резултати, нема победа на последните осум натпревари и моментално е 16-ти со 29 бода.
Езе прв постигна гол во 32-та минута, Спарс израмнија само две минути подоцна преку Рандал Коло Муани.
Продолжението на средбата им припадна целосно на „топџиите“.Ѓокереш донесе нова предност во 47-та минута, Езе повторно беше прецизен во 61-та минута, а Швеѓанецот стави тошка на натпреварот во четвртата минута од судиското продолжение.
Арсенал има уште едно градско дерби пред себе, со Челзи на „Емирати“, исто како и Тотенхем, кој ќе гостува кај Фулам.
Foto/ EPA
Преземено од: TopSport
