Текстот на законот за високо образование е подобрен но суштински промени нема, оценува дел од академската фела. Главниот проблем и натаму е недовербата меѓу универзитетите и државата.
Според нив намалувањето на бројот на членови делегирани од Владата во одборите не бил од пресудно значење бидејќи универзитетите и натаму се без кадровска и финансиска автономија.
Една од најдискутираните точки од законот беа критериумите за научни трудови во меѓународните бази Скопус и Веб оф Сајанс.
Професор Дуев вели дека академската фела не бега од критериуми за квалитет, но прашува во какви услови реално треба да се создаваат тие научни трудови? Професорот вели ако главната суштина на овој закон е квалитетното образование на студентите тогаш целта не е постигната.
УКИМ подготвува допис по последните измени прикачени на ЕНЕР. Законот ќе биде на јавен увид уште неколку дена. Доколку во меѓувреме пристигнат драстични забелешки, министерката најави дека тие ќе бидат разгледани пред предлогот да влезе во финална владина процедура.
Преземено од: Линк
