Мануел Ноер уште една сезона ќе остане во Минхен. Ветеранот, во финишот на сезоната, го поврзуваа со трансфер во Премиер лигата, во тимот на Брајтон. Покрај тоа, постои јасен план за резервата на Ноер, Урбиг, кој ќе го наследи на голот на Баерн на крајот од следната сезона и ќе стане нова „единица“. Дотогаш, во текот на следната сезона, Урбиг ќе има многу минути, а самиот Ноер им потврдил на клупските челници дека верува во овој голман.
Германските медиуми, објавија дека договорот меѓу Баерн и клупската легенда бил заклучен за кратко време.
Ноер ќе добие нешто подобри услови во следната година кога станува збор за платата отколку што беше случајот во претходниот договор.
Мануел Ноер е во Баерн повеќе од 15 години, во клубот пристигна од Шалке во 2011 година за 30 милиони евра.
Оваа сезона, тој одигра 34 натпревари за тимот на Баерн и прими 33 гола. Тој ќе игра со Баерн во полуфиналето на Лигата на шампионите, а нивен противник е тимот на Пари Сен Жермен.
Покрај тоа, Баерн е повторно шампион на Германија, а ќе се бори и за титулата во Купот, каде што ќе игра против бранителот на трофејот Штутгарт.
Foto/ Depositphotos
Преземено од: TopSport
