Бразилскиот фудбал доби една од најнеобичните дисциплински одлуки во последните години. Дефанзивецот на Интернационал, Виктор Габриел, нема да може да игра сè додека напаѓачот на Крузеиро, Габриел Пек, не се опорави од скршената нога и не добие дозвола да се врати на тренинзите.
Одлуката ја донесе Врховниот спортски суд на Бразил, највисокото независно тело задолжено за дисциплински постапки во фудбалот. Габриел беше казнет со суспензија од шест натпревари, но казната беше продолжена до враќањето на Пек на тренинзите.
Суспензијата може да трае максимум 180 дена. Доколку Пек се опорави и добие дозвола од лекарот да тренира пред крајот на тој период, дефанзивецот на Интернационал ќе може да се врати на теренот порано.
Инцидентот се случи на 22 јули на првенствениот натпревар помеѓу Интернационале и Крузеиро. За време на борбата за топката, Габриел грубо стартуваше врз Пек и веднаш доби директен црвен картон.
🚨Inter player Victor Gabriel has been suspended after his foul on Gabriel Pec.
How long is his suspension?
He will only be allowed to return once Gabriel Pec has return from injury, with a maximum punishment of up to 6 months.
Very interesting rule 🤯 pic.twitter.com/KujjfqYhdy
— Brasil Football 🇧🇷 (@BrasilEdition) July 28, 2026
Повредата е особено тежок удар за Пек, кој штотуку пристигна во Крузеиро. Бразилскиот клуб го донесе од Лос Анџелес Галакси за време на паузата поради Светското првенство за најмалку 12 милиони долари, што го прави најскапото засилување во историјата на клубот.
Натпреварот против Интернационал беше негов прв старт за новиот тим, но дебито заврши со скршена нога и пауза од неколку месеци.
Преземено од: TopSport
