На 27.09.2026 во 10:20 часот во Полициската станица Тетово, И.И. (31) од с. Вејце пријави дека околу 09:00 часот пред неговата куќа во селото бил физички нападнат од неговиот соселанец М.А. Се преземаат мерки за расчистување на случајот.
На 27.09.2026 во 13:00 часот во Полициското одделение Теарце, А.Е. (65) од с. Шемшево пријави нарушување на јавниот ред и мир. Според пријавеното, околу 11:15 часот на местото викано „Врбица“ покрај патот Пршовце-Јегуновце, по настаната сообраќајна незгода меѓу две возила, пријавителот се обидел да спречи вербален напад врз една од учесничките во сообраќајката, по што вториот учесник во сообраќајката И.Р. од с. Пршовце го удрил А.Е., по што бил спречен од присутни граѓани и го напуштил местото. Се преземаат мерки за целосно расчистување на настанот.
На 28.09.2026 во 00:10 часот во Полициската станица Гостивар, Л.М. (21) со престој во Гостивар, пријави дека околу 21:50 часот на 27.09.2026, во спортска сала на гостиварско средно училиште, бил физички нападнат од А.,,н“ од населбата Грудајца. Се преземаат мерки за расчистување на случајот
На 27.09.2026 во 19:15 часот на ул. „18 Ноември“ во Гостивар, полициски службеници ги лишија од слобода Д.М. (24), Џ.Ф. (26) и Џ.М. (25), сите од Гостивар, во врска со пријавен физички напад на 26.09.2026 од страна на Д.М. (20), кој пријавил дека во угостителски објект, на ул. „Браќа Ѓиноски“ бил физички нападнат од неколку лица кои му нанеле телесни повреди. По целосно документирање на случајот, ќе бидат поднесени соодветни поднесоци.













