Манчестер Сити би можел да се соочи со една од најдрастичните казни во историјата на европскиот фудбал, се шпекулира дека УЕФА размислува за повеќегодишна суспензија за англискиот клуб поради наводно кршење на финансиските правила.
Според тврдењата на колумбискиот новинар Сезар Аугусто Лондојо, како што објави англискиот портал „TEAMtalk“, Манчестер Сити би можел да биде исклучен од сите европски натпреварувања за период од седум до десет години, доколку се потврди неговата вина.
Лондојо, објави на социјалната мрежа „X“ дека УЕФА разгледува таква можност, што би претставувало невиден удар за клубот кој во претходните години беше еден од најдоминантните во европскиот фудбал.
Доколку овие тврдења се остварат, „граѓаните“ нема да можат да играат во Лигата на шампионите, Лигата на Европа или Лигата на конференции речиси една деценија.
Секако, останува да се види дали тоа ќе биде случај. На крајот на краиштата, Сити со овие потези го загрози угледот и на Премиер лигата и на УЕФА, но сега работат на тоа како да ја минимизираат штетата.
Станува збор за парадоксална ситуација во која голема казна истовремено би покажала решителност, но и признавање на сопствените грешки. Токму затоа овој случај е толку уникатен.
Сепак, важно е да се нагласи дека УЕФА официјално не потврдила дека размислува за таква санкција, па засега станува збор само за информациите што ги презентираше колумбискиот новинар.
Проблемите за Манчестер Сити не завршуваат тука, бидејќи клубот се соочува и со можни санкции од Премиер лигата.
Foto/ Depositphotos
Преземено од: TopSport
