На 18.10.2026 во 16:30 часот во Полициското одделение Галате, Е.Б.(31) и М.Б.(38), двајцата од с.Градец, пријавиле дека околу 11:30 часот во истото село, по претходна расправија, биле физички нападнати од нивниот соселанец С.М. и неговиот син. Се преземаат мерки за расчистување и документирање на случајот.
На 19.10.2026 во 04:35 часот на паркинг простор кај бензинска пумпа покрај патот Тетово–Гостивар, полициски службеници од Полициското одделение Камењане го лишија од слобода М.Б.(36) од с.Неготино, гостиварско. Тој се сомничи дека на 18.10.2026 околу 19:15 часот во спортска обложувалница во с.Неготино со закана кон вработениот одзел пари од касата. Тој е задржан во полициска станица и по целосно документирање на случајот против него ќе биде поднесена соодветна пријава.
На 19.10.2026 во 04:10 часот, полициски службеници од ОВР Гостивар го лишија од слобода Ф.А.(41), постапувајќи по претходна пријава од неговата 63-годишна мајка дека физички ја нападнал во семејниот дом и ѝ упатил закани. Тој е задржан во полициска станица и по документирање на случајот против него ќе биде поднесена соодветна пријава.
