Грчкиот суд подигна денеска обвинение против претседателот на фудбалскиот клуб Олимпијакос, Евангелос Маринакис и четворица членови на клупскиот одбор по истрагата за поттикнување спортско насилство.
Маринакис, бродски и медиумски тајкун, кој, исто така, е сопственик на англискиот прволигаш Нотингем Форест, и членовите на одборот негираат вина.
Грчкиот судски систем има неколку подготвителни фази и објавувањето обвиненија не значи дека лицето наскоро ќе се соочи со судење.
Обвинетите формално ќе се изјаснат во декември по обвиненијата за наводна поддршка на криминална организација поврзана со навивачите на Олимпијакос и поттикнување спортско насилство, најавија денеска од адвокатскиот тим.
Спортот во Грција беше нарушен со насилни инциденти на и надвор од теренот во последниве години, а властите постојано ветуваа дека ќе се справат со хулиганството.
Властите започнаа истрага откако припадник на полицијата беше убиен со факел за време на судирите со група навивачи на Олимпијакос пред одбојкарски натпревар во декември 2023 година.
Од април годинава, полицијата уапси десетици луѓе, главно навивачи на Олимпијакос, под обвинение дека се членови на наводна криминална организација поврзана со спортско насилство.
Преземено од: Линк
