Времето во понеделник наутро е студено, додека во текот на денот времето ќе биде сончево со мала локална облачност. Ќе дува слаб до умерен ветер од северен правец. Температурата во гостиварскиот регион ќе биде во интервал од -1 до 10 степени.
Утре (вторник) воедно и последен ден од оваа година, нѐ очекува сончево и суво време со ниска утринска температура, а дневната ќе достигне 11 степени. Новогодишната ноќ ќе помине во стабилни временски услови.
Според прогнозите времето до петок ќе се задржи стабилно и делумно сончево. Поради повисоките температури на планините висината на снежната покривка постепено ќе се намалува. По одделни котлини ќе има појава на магла.
Преземено од: GostivarPress
