Се е подготвено за масовен егзодус од Арсенал кој ќе се случи на крајот од сезоната. „Топчиите“ сакаат да донесат нови засилувања следното лето, а за тоа се подготвени да избркаат дури седум играчи од „Емирати“.
Според новинарите на „Мирор“, Артета подготвил големи промени и официјално ќе ги направи во текот на летото.
Рахим Стерлинг и голманот Нето нема да останат во Арсенал по истекувањето на позајмиците, туку ќе одат во нивните матични клубови. Стерлинг пристигна во Арсенал од Челзи, додека Нето дојде од Борнмаут.
Киран Тиерни, Томас Парти и Жоргињо се играчи на кои договорите им истекуваат на крајот на сезоната и тие ќе си заминат од клубот како слободни играчи.
Тирни и Жоргињо веќе подолго време се поврзуваат со заминување од Арсенал, но Артета одлучи да ги задржи во клубот до крајот на сезоната.
Познато е дека од наредната сезона Тиерни ќе игра во Селтик, додека Жоргињо ќе се врати во Бразил каде ќе потпише за Фламенго.
Се уште не се знае каде ќе ја продолжи кариерата, Томас Парти. Репрезентативецот на Гана се поврзува со враќање во Атлетико Мадрид.
Олександар Зинченко и Јакуб Кивиор по крајот на сезоната ќе си заминат од Емирати и ќе бараат нови клубови.
Заминувањето на овие играчи нема да донесе особено голем профит за Арсенал, но ќе ослободи простор за плати кога станува збор за новите играчи кои ќе дојдат во клубот.
Преземено од: TopSport
