Украинскиот претседател Володимир Зеленски денеска изјави дека тој и американскиот претседател Доналд Трамп разговарале, меѓу другото, за купување на американско оружје и системи за противвоздушна одбрана, како и за потенцијална соработка меѓу Киев и Вашингтон во производството на беспилотни летала.
Лидерите разговарале за „купување на американски системи за противвоздушна одбрана што ќе ги заштитат нашите градови, нашите луѓе, нашите цркви и инфраструктура“, а Зеленски нагласи дека Украина е подготвена да ги поддржи американските производители на оружје, потенцијално со европска помош.
„Разговаравме и за потенцијалот за заедничко производство на беспилотни летала, објави Зеленски на Икс.
Тој рече дека го информирал Трамп за разговорите меѓу украинската и руската делегација во Истанбул, како и за размената на затвореници и тела на убиените, додавајќи дека разговарале и за постигнување вистински мир во Украина.
Преземено од: Линк
