Лоран Мекис ја продолжува соработката со Ред Бул, а по продолжувањето на договорот, тој рече дека верува во тимот и во заедничката насока по која се движи тимот.
Францускиот стручњак го истакна своето задоволство што останува, особено издвојувајќи ги луѓето со кои работи секојдневно.
„Многу сум горд што ја продолжувам оваа авантура со Ред Бул Рејсинг. Она што го прави овој тим посебен е начинот на кој сите заедно работиме кон истата цел и се чувствувам привилегиран што работам со толку талентирана и посветена група луѓе секој ден.“
Мекис верува дека тимот сè уште има многу да покаже, а воедно ги одржува принципите врз кои ја темелат својата работа.
„Вистински веруваме дека ова е само почеток. Гледајќи напред, ќе продолжиме да ги негуваме принципите што нè дефинираат – да размислуваме слободно, да дејствуваме брзо и да донесуваме важни одлуки“, рече Мекис.
Foto/ Depositphotos
Преземено од: TopSport
