Датумот 9 мај во светот се одбележува како Ден на победата над фашизмот. Со потпишувањето на безусловна капитулација на нацистичка Германија, на 9 мај 1945 година беше ставен крај на Втората светска војна. Војната однесе над 50 милиони човечки животи, од кои повеќе од 30 милиони беа цивили. Во нацистичките логори беа убиени околу 12,5 милиони луѓе, од нив шест милиони Евреи.
На Далечниот исток, војната заврши на 2 септември 1945 година, кога Јапонија капитулираше по бомбардирањето Хирошима и Нагасаки со атомската бомба.
9 мај се слави и како Ден на Европа. Востановен е во сеќавање на Декларацијата на францускиот министер за надворешни работи Роберт Шуман во 1950 година, што се смета за прв важен чекор во настанувањето на ЕУ.
Преземено од: GostivarPress
