СВР Тетово информира дека вчера (11 септември) во 12.05 часот било пријавено дека околу 11.50 часот во атар на Неготино-полошко, општина Врапчиште, додека бил во нива на неговиот брат кај место викано „Маврица“, од експлозија на рачна бомба со повреди се здобил Б.А.(51) од Неготино.
Тој бил пренесен во Ургентен центар во Гостивар за укажување на лекарска помош.
По овластување на јавен обвинител, увид извршила екипа од ОВР Гостивар во содејство со екипа од Единицата за откривање и демонтирање на експлозивни средства и направи при МВР. Се работи на расчистување на случајот, извести полицијата.
Преземено од: GostivarPress
