Српскиот актер, Сергеј Трифуновиќ кој денеска беше уапсен на граничниот премин Бајаково додека минуваше од Србија во Хрватска, а потоа беше спроведен во Општинскиот суд за прекршоци во Сплит, се огласи на социјалните мрежи
Тој објави фотографија со пријател и го цитираше Питер О’Тул.
„О, колку ми недостигаат тие денови кога излегувате на пијачка во Лондон навечер и се будите во Мароко“, напиша тој.
„Можете ли да ме размените за Северина?“, напиша на сликата што ја објави, а во описот додаде: „Барам пријател“.
Северина на крајот на август беше приведена од српската полиција додека ја минуваше границата.
Полицијата го спроведе Трифуновиќ во Општинскиот суд за прекршоци во Сплит, каде се одржа рочиште и му беше одземен пасошот како мерка на претпазливост, пишува Слободна Далмација.
Судењето на српскиот актер продолжува утре во 12:30 часот кај судијката Жељка Матков. Трифуновиќ денеска пред судот изјави дека не се чувствува виновен за она за што е обвинет.
Тој се товари по член 5 и член 17 од Законот за прекршоци против јавниот ред и мир. Во член 17 од Законот за прекршоци против јавниот ред и мир се вели:
„Тој што омаловажува или навредува државни органи, односно службени лица при или во врска со извршувањето на нивните законски наредби, ќе се казни со парична казна од 700 до 4000 евра или затворска казна до 30 дена“, пишува хрватски „Индекс“.
Полицијата денеска од судот побара 30-дневна затворска казна и 1000 евра парична казна за актерот.
©ММС.мк Крадењето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира. Услови за превземање
Loading …
Преземено од: Линк
