Демократското Движење вчера свечено отвори канцеларии во Гостивар. По тој повод, лидерот на партијата и вицепремиер, Изет Меџити, изјави дека овој момент претставува уште еден важен чекор во патувањето кон создавање силна и претставничка политичка алтернатива за сите граѓани.
„Демократското движење секој ден е сѐ посилно, создавајќи цврста структура и јасна визија за подобра иднина. Ова е доказ за посветеноста и единството на луѓето кои веруваат во промените, еднаквоста и праведното претставување на сите“, рече Меџити.
Тој понатаму истакна дека заедно со зајакнувањето на Демократското Движење, се консолидира и коалицијата ВЛЕН, како гаранција за политика која вреди – политика која поддржува развој, правда и благосостојба за сите граѓани на Северна Македонија.
„Им благодарам на сите членови и поддржувачи кои го овозможија овој момент! Нашата сила лежи во нашето единство и заедничка визија. Гостивар денеска покажа дека е важен дел од оваа визија!“, изјави Меџити.
Преземено од: GostivarPress
