Наскоро Здравствениот дом и општата болница во Гостивар ќе се спојат во една установа, изјави при денешната посета на болницата, министерот за здравство, Арбен Таравари.
„Наскоро Здравствениот дом и општата болница во Гостивар ќе се спојат. Претходно веќе имам најавено дека во седум градови каде има општи болници и Здравствени домови ќе се спојуваат. Мислам дека тоа ќе се случи до крајот на идната година, а можеби и порано. Освен во Клиничките болници, Битола, Штип и Тетово каде мора да постојат Здравствени домови, во другите градови многу скоро ќе ги споиме. Подобро ќе функционираат заедно, отколку одделно како сега кога има две администрации, два директори.“, рече министерот.
Неговата денешна посета беше со цел промовирање на инвестиции во реновирање оддели и нова медицинска апаратура.
Преземено од: GostivarPress
