Проблеми за Баерн и Компани – Кејн во аут поради повреда

Фудбалерот на Баерн, Хари Кејн ќе биде надвор од терените најмалку две недели поради повреда на бутниот мускул, објави германски Билд.

Кејн се повреди на вчерашниот натпревар од 12. коло на Бундес лигата против Борусија во Дортмунд (1:1). Англискиот фудбалер беше заменет во 33. минута поради повреда.

Баерн денеска соопшти дека по дополнителните лекарски прегледи било утврдено дека Кејн го скинал бутниот мускул, но клубот од Минхен не соопшти колку долго англискиот фудбалер ќе мора да биде надвор од терените. Билд објави дека Кејн го очекува пауза од најмалку две недели, а на терените треба да се врати на 20 декември во натпреварот од 15. коло на Бундес лигата против Лајпциг.

Кејн оваа сезона одигра 19 натпревари за Баерн во сите натпреварувања и постигна 20 гола.