Абу Даби ќе биде домаќин на фајналфорот на Евролигата во 2025 година, пренесуваат „СДНА“ и „Баскет њуз“. Абу Даби за организацијата на турнирот понудиле 25 милиони евра.
Одлуката е донесена, претпладнево, по седницата на Извршниот одбор на акционери. „За“ гласале 11 клубови, против биле само Реал Мадрид и Олимпијакос.
Фајнл-форот ќе се игра од 23 до 25 мај следната година. Полуфиналните натпревари се закажани за петок на 23 мај, додека финалето е во недела на 25 мај.
Ова ќе биде првпат завршниот турнир во Евролигата да се игра надвор од Европа.
Потпишан е едногодишен договор со можност за продолжување на соработката за уште две сезони во зависност од успехот на организацијата во Обединетите Арапски Емирати.
Локацијата се уште не е потврдена, но најверојатно тоа ќе биде арената „Етихад“ со капацитет од 18.000 навивачи.
Преземено од: TopSport
