Не е прашање дали туку кога Жоао Педро ќе добие отказ на клупата на Спортинг. Маледиот тренер беше прекомандуван од вториот во првиот тим на Спортинг, во моментот кога Рубен Аморим замина во Манчестер јунајтед.
Жоао Педро го презеде Спортинг во момент кога тимот доминираше во Португалија, на лидерската позиција имаше пет поени повеќе од Бенфика, а во Лигата на шампионите имаше три победи и реми.
Од вчера, Спортинг го дели второто место со Порто, лидер е Бенфика со бод повеќе од најголемите ривали. Во Лигата на шампионите со Педро на клупата Спортинг загуби од Арсенал и Клуб Бриж.
Накратко, откако Жоао Педро го презеде Спортинг, „лавовите“ одиграа осум натпревари, забележаа три победи, од кои две беа во купот,само една победа во првенството.
Инаку, Жаоа Педро потпиша договор до 2027 година, но како што објави „А Бола“, отказот ќе го наплати со четири милиони евра.
Преземено од: TopSport
