Американец за кого постои сомневање дека е заразен со ебола имал контакт со најмалку 26 лица за време на престој во чешка, потврди чешкото министерство за здравство.
Четириесетгодишниот маж пристигнал во Чешка на 6 мај, откако претходно престојувал во Демократската Република Конго и Руанда. Во петокот вечерта бил пренесен од болницата во Табор во специјализираната установа Булова во Прага, каде што е сместен во посебен биобокс.
– Мажот имал вкупно 26 контакти во Чешка, кои нашите хигиеничари успеаја да ги идентификуваат. Сите моментално се под надзор и во контакт со епидемиолози. Никој во Чешка не е во непосредна опасност, изјави за Novinky.cz Матјаш Фошум, директор на Одделот за заштита на јавното здравје.
Според достапните информации, неколку контакти се здравствени работници, и сите се сместени во карантин.
Одлуката за преместување на пациентот во Прага е донесена врз основа на неговите симптоми и анамнезата на патувањето. Фошум појасни дека мажот кратко престојувал во Табор и дека во петокот сам дошол во болница, по што бил хоспитализиран.
При транспортот во Прага бил активиран тим за биолошки закани, а транспортот бил спроведен под посебни безбедносни мерки.
Преземено од: Линк
