Поранешниот светски рекет број 2 Каспер Руд оцени дека Новак Ѓоковиќ е најголемиот спортист на сите времиња, додавајќи оти српскиот тенисер би ги надминал легендата на НФЛ лигата Том Брејди и НБА кошаркарот Леброн Џејмс во повеќето физички тестови.
Ѓоковиќ е апсолутен рекордер со освоени 24 грен слем титули, а, исто така, помина рекордни 428 недели на првото место на АТП ранг-листата.
„Новак е најголемиот спортист во сите спортови во историјата, да – во историјата на спортот“, изјави Норвежанецот Руд во интервју за Overtime Tennis.
„Не сакам да споредувам бидејќи е глупаво, но сепак, ако го споредите атлетизмот на Новак со оној на Брејди, не ме сфаќајте погрешно, но мислам дека Новак би го оставил зад себе во повеќето физички тестови што можете да ги направите. А од друга страна, Леброн веројатно би го соборил Новак на одредени тестови, па не знам, но за мене Новак е најголемиот спортист што некогаш живеел“, додаде 26-годишниот Руд.
Преземено од: Линк
