На денешната седница на Владата бев именуван за прв заменик-претседател на Владата. Ова именување за мене не претставува само функција или титула, туку голема доверба и сериозна морална и национална обврска, да бидам во служба на секој граѓанин, без никаква разлика, сè до целосната реализација на проектите што се од суштинско значење за сите граѓани, напиша на својот фејсбук профил министерот за европски прашања Беким Сали.
-Оваа Влада, во изминатите речиси две години, покажа дека кога постојат волја, визија и посветеност, резултатите не изостануваат. Вработувањето и унапредувањето на илјадници млади луѓе, обезбедувањето средства за изградба на Кампусот на Универзитетот „Мајка Тереза“, финансиската поддршка за сите општини, решавањето на прашањето со Медресето, како и економскиот раст и развој, се конкретни дела што зборуваат погласно од какви било зборови.
Сепак, патот пред нас е сè уште долг. Нè очекуваат бројни проекти и сериозни предизвици. Времето не чека. Затоа ќе продолжиме да работиме со максимална посветеност, енергија и висок мотив, со цел секое ветување дадено пред граѓаните да се претвори во конкретни активности и видливи резултати, стои во објавата на Сали.
Со вера во Бога, во нашите луѓе и во иднината што заедно ја градиме, се додава во стаусот на Сали на Фејсбук, верувам дека нашата работа ќе биде успешна и дека на крајот од овој пат ќе излеземе со чист образ пред граѓаните и пред историјата.
МИА
Преземено од: Линк
