Diamond Restaurant – Тетово реализираше донација за Дневниот центар за деца со ментална или телесна попреченост во Тетово, со цел подобрување на условите за престој и секојдневните активности на корисниците.
Како дел од донацијата, ресторанот обезбеди нов телевизор, теписони, завеси за целиот објект и плакари, со што значително се подобрува комфорот и функционалноста на просториите во центарот.
Дневниот центар во Тетово функционира повеќе од две децении и претставува значајна поддршка за деца и млади со различни видови попреченост. Центарот обезбедува дневен престој, воспитно-образовни активности и индивидуални третмани, со што придонесува за нивниот развој и социјална интеграција.
По повод донацијата, директорката на Центарот засоцијални работи –подрачна единица Тетово, Магдалена Веселиновска, изјави:
„Во мое лично име и во име на нашата институција,Ви изразувам искрена благодарност за донацијата што ни ја доделивте. Вашата поддршка претставува голема помош за функционирањето на Дневниот центар и значително придонесува кон унапредување на нашите услови за работаи подобрување на квалитетот на нашите активности. Совашиот хуман гест покажавте високо ниво на одговорност и грижа и сте пример кој треба да го следат и другите компании. Ви благодарам на довербата и соработката и се надевам на понатамошна успешна соработка и во иднина.“
Од Diamond Restaurant – Tetovo истакнуваат дека општествената одговорност е важен и нераскинлив дел од нивното работење и дека и во иднина ќе продолжат да поддржуваат локални институции и иницијативи кои придонесуваат за подобар квалитет на живот во заедницата. Со оваа хуманитарна акција, од ресторанот упатуваат и порака и поттик до другите компании и субјекти од бизнис-секторот да се вклучат во слични општествено одговорни и хумани дела, со цел заеднички да се создаде посилна и посолидарна заедница.
