Конечно во март имаме значаен раст на индустриското производство споредено со март минатата година од 3 проценти, а трговијата на мало расте со двоцифрен број проценти, изјави денеска премиерот Христија Мицкоски, истакнувајќи дека Владата ќе продолжи да работи на зголемување на куповната моќ на граѓаните.
На новинарско прашање, Мицкоски посочи дека за жал, останува се уште проблемот во секторот рударство, каде има помала активност во првиот квартал изразувајќи надеж дека ќе се преземат активности за пдобрување на состојбите.
– Се надевам дека за два-три проблематични правни лица ќе најдеме начин како и ние како држава да помогнеме, но и тие самите да си помогнат и на тој начин да го вратиме рударството на оние патеки на кои што треба да припаѓа, рече Мицкоски.
Будно ја следиме со состојбата, дополни премиерот, и со сите нови проекти во индустријата, со сите нови производни капацитети, охрабрен сум што преработувачката индустрија расте. – Тоа е нешто кое сите треба да не охрабрува, изјави Мицкоски, на новинарско прашање по присуството на панихидата во црквата „Св. Спас“ во Скопје по повод 123 години од смртта на Гоце Делчев.
МИА
Преземено од: Линк
