Ко-домаќинот на СП, Канада и Босна и Херцеговина, одиграа 1:1 (0:1), во првиот натпревар, во Б групата. Канада го освои првиот мундијалски бод во историјата, бидејќи во претходните два настапи, во 1986 и 2022 година, ги забележа сите шест порази.
БиХ слави бод во Торонто, кој може да им ја отвори вратата кон нокаут фазата. Екипата на Сергеј Барбарез успеаја во намерата, да не загубата на премиерата. БиХ беа дефанзивно оријентирани, им ја препуштија топката на Канаѓаните, кои ќе жалат за пропуштените шанси.
БиХ имаше водство од 21-та минута, кога Лукиќ со глава ја спроведе топката во канадскиот гол. ДО ркајот на полувремето, Канада доминираше, но без сериозна шанса. Изведоа домаќините седум корнери во првото полувреме, што дополнително ја потврдува нивната доминација.
Во второто полувреме, два пати од гол линијата интервенираа играчитеи на БиХ, Колашинац и Катиќ. Додека меч топката за БиХ ја пропушти Демировиќ, кога не успеа да реализира ситуација „еден на еден“.
Канада изедначи во 79-та минута со голот на Ларин. Истиот играч во 96-та минута имаше чиста шанса, меѓутоа Мухаремовиќ со брилијантна интервенција спаси бод за својата репрезентација.
Во вториот меч, утре од 21 часот ќе играат Катар и Швајцарија. За шест дена, во второто коло, БиХ ќе игра против Швајцарија, а Канада против Катар.
Foto/ EPA
Преземено од: TopSport
