Општина Гостивар информира дека ги отвори онлајн апликациите за финансиска поддршка од 6000 денари за новороденчињата.
Мерката беше предложена од градоначалникот Ваљбон Лимани, а се изгласа на последната седница на Советот на Општина Гостивар.
„Аплицирањето се врши на веб-страницата на Општина Гостивар, каде што се бараат следниве документи: извод од матична книга на родените за бебето, лична карта на таткото и мајката, банкарска трансакција на еден од родителите и контакт број.“, известуваат од локалната самоуправа.
Од таму додаваат дека оваа финансиска поддршка за семејствата со новороденчиња може да ги олесни почетните трошоци и покажува посветеност на општината кон социјалната политика и семејствата.
Преземено од: GostivarPress
